تارت بالمربى

تارت بالمربى

فى كذا طريقة ليها علشان ماتملوش من طريقتها التقليدية يعنى ممكن تعملى العجينة دى حلو او حادق وممكن تحطى فوقها كاستر او شيكولاتة اومربى او حتى تعمليها بسكوت وكمان الاطفال بيموتوا فى طعمها الوصفة دى ممكن تفطروا بيها اوتتعشوا اوتحلو وهاتبقى حلوة مع كوباية شاى باللبن لو هاتعمليها بسكوت او هاتحطى فوقها مربى زى ما انا عاملة كدهبتكفي 8 اشخاص,

مقادير الاكلة

كوب ونص دقيق

نص كوب زبده ساقعة

رشة ملح ومعلقة سكر

بيضة وفانيليا

معلقة مايه صغيرة ساقعة

مربى

طريقة عمل تارت بالمربى

كوب ونص دقيق تفركيه مع نص كوب زبده ساقعة ورشة ملح ومعلقة سكر كل ده بأيدك بعد كده لما تحسى ان الزبده اتخلطة كويس مع الدقيق

تضيفة بيضة وفانيليا وتكملى عجن

بعد كده معلقة مايه صغيرة ساقعة وتلفيها فى كيس وتسبيها فالتلاجة لحد ماتمسك نفسها حوالى ساعتين

ن بعد كده هاتى كيسين وحطى العجينة بينهم وافرديها بعد كده اننقليها على الصنيه ولو اتلغبطت منك وانتى بتحطيها افرديها بايدك وكاملى باكيس بعد كده خرميها بالشوكة وحطى فوقها نوع المربى اللى بتحبيه وممكن اى نوع مكسرات تحبيه او جوز الهند وزبيب وعالفرن لحد ماتحمر على حرارة 180 وتقدم

يمكنك التعليق هنا

إلى الأعلى
%d مدونون معجبون بهذه: